Transfertat nuk ishin pikë fortë e Arsenal e kundër Bate ishte provuar, por ajo që Topcinjtë pësuan në “Roazhon Park” është një hap larg kapitullimit. Skuadra e Unai Emery është dorëzuar 3-1 përballë Rennes, duke e bërë një mision të vështirë kthimin në Emiuratës, pasvarësisht se ai gol i shënuar në minutën e 4’ nga Alex Iwobi është një ngushëllim që në kthim mund të ketë vlerë të pamatë.
Arsenal kishte gjithcka nën kontroll deri në minutën e 42’, kur mbeti në inferioritet numerik, pas daljes me karton të kuq të Sokratis Papastathopoulos dhe u barazua nga ajo goditje dënimi, me një gol spektakolar të Benjamin Bourigeaud.
Kaosi dhe frika rënduan këmbët dhe idetë e Arsenal dhe kjo u duk qartë në autogolin klasik të Nacho Monreal në minutën e 65’, përpara se suksesin për francezët ta siguronte Ismaila Sarr dy minuta nga fundi.
Londinezët kanë kualitetin e duhur për të shënuar dy golat që i duhen për tu kualifikuar, kur dy skuadrat të rishihen në Emirates javën e ardhshme, por Rennes tregoi forcë dhe besim se mund të nxjerrë jashtë kompeticionit një nga pretendentët e mëdhenj.
Mund të kishte shkuar më mirë për Inter, edhe se barazimi 0-0 në Frankfurt përballë Eintracht. Zikaltrit kanë rezistuar pa pësuar në një transfertë delikate, por kanë cuar dëm mundësinë e artë për të dalë të fituar kur Marcelo Brozovic ka humbur penalltinë, që do të kishte qenë vendimtare dhe do ti kishte afruar të besuarit e Spalletti edhe më pranë kualifikimit.
Për italianët është një hap pozitiv, që kthehen nga Gjermania pa pësuar gol, por 90 minutat e kthimit në San Siro do të jenë shumë delikate, kundër një skuadre që në këtë sezon të Europa League nuk njohin asnjë humbje.