Nëse Inter mund të buzqeshë sepse nga infermeria vijnë lajme të mira, në vigjilje të derbit të së dielës në mbrëmje edhe Milan merr frymë lehtësisht: Gennaro Gattuso do të jetë rregullisht në pankinë. Tekniku kuqezi, që ishte larguar nga fusha në ndeshjen me Chievo, pas një diskutimi me Meggiorini, është paralajmëruar e duhet vetëm të paguajë një gjobë prej 15mijë euro, por mund të jetë në pankinë për të drejtuar lojtarët në ndeshjen shumë të rëndësishme.
E ndërkohë, nuk do të jetë në ndeshjen kundër Chievo, Gian Piero Gasperini, që është skualifikuar për një ndeshje nga Gjykatësi Sportiv, pas ngjarjeve të ndodhura në Sampdoria-Atalanta, kur tekniku i Atalantës, pas përjashtimit nga fusha, ka goditur me dorë sekretarin e përgjithshëm të ligurëve, Massimo Ienca, në tunelin që të con në dhomat e zhveshjes në Marassi. Edhe Gasperini duhet të paguajë një gjobë prej 15mijë euro.