Pas ditësh heshtje, Mauro Icardi kthehet të postojë në Instagram dhe të japë sinjale. Në vigjilje të derbit që ai do ta përjetojë vetëm si spektator i thjeshtë, sulmuesi argjentinas ka postuar një foto të festimit të tij klasik, me shiritin e kapitenit (që iu hoq një muaj më parë) në krahun e majtë dhe San Siro në sfond. Asnjë koment përshkrues, për të shoqëruar foton, por vetëm dy topa të zinj (pa ato blu që përdorte zakonisht) që ndoshta përfaqësojnë gjendjen e tij aktuale, si dhe siglën e tij MI9.