• |
ide | kryesore

Vettingu, Rovena Gashi të enjten para Komisionit të Apelimit

Lajme, Të fundit



Kolegji i Posaçëm i Apelimit do të zhvillojë të enjten seancën gjyqësore për ankimin e Rovena e Gashit për shkarkimin e saj si prokurore nga Komisioni i Pavarur i Kualifikimit. Seanca do të zhvillohet në 10:00 në ambientet e Kolegjit të Posaçëm të Apelimit.

“Kolegji i Posaçëm i Apelimit zhvilloi sot, më datë 18 mars 2019, ora 09.30 shqyrtimin në dhomë këshillimi të çështjes me numër regjistri (JR) 20/2018, datë 17.10.2018, për ankimin e subjektit të rivlerësimit Rovena Gashi kundër vendimit të Komisionit të Pavarur të Kualifikimit nr. 48, datë 25.07.2018 dhe vendosi zhvillimin e gjykimit të kësaj çështje në seancë gjyqësore publike me praninë e palëve, ditën e enjte, në datën 04.04.2019, ora 10:00.

Bazuar në nenin 51, pika 1, germa “a” e ligjit nr.49/2012 për “Gjykatat Administrative dhe Gjykimin e Mosmarrëveshjeve Administrative”, i ndryshuar, trupi gjykues i përbërë nga Albana Shtylla kryesuese, Luan Daci relator, Ardian Hajdari, Rezarta Schuetz, Sokol Çomo anëtarë, mori vendimin e ndërmjetëm për shqyrtimin e çështjes në seancë publike për dëgjimin e subjektit të rivlerësimit, lidhur me një gjetje të Operacionit Ndërkombëtar të Monitorimit, dërguar Kolegjit të Posaçëm të Apelimit me shkresë nr.321 prot., datë 14.03.2019 dhe të protokolluar me nr.357 prot., datë 15.03.2019” thuhet në njoftim.

Më 25 korrik të këtij viti, ish-drejtorja e Marrëdhënieve me Jashtë dhe Sektorit të Dekriminalizimit në Prokurorinë e Përgjithshme, e pezulluar muaj më parë nga kryeprokurorja Arta Marku, u shkarkua nga detyra.

Sipas Komisionit të Pavarur të Kualifikimit, ish- prokurorja, Rovena Gashi nuk e justifikon pasurinë.

Gashi nuk ishte e pranishme gjatë shpalljes së vendimit, duke mbajtur të njëjtin qëndrim si dhe në seancën dëgjimore me (20 korrik), ku refuzoi Komisionin me argumentin se vendimi për të dhe shumë të tjerë ishte i paracaktuar.



3 Comments

  1. Kjo eshte hequr me urdher te Edi Rames, kjo eshte vertetuar, e aprovuar, Kesaj nuk i kane gjetur asnje dobesi as financiare, e as proceduriale, ajo e meritonte vendin ne KLP por me urdherin e lartemadherise, servilet e shkarkuan. Ishalla ka drejtesi qe e shohin kontrollet e europes e amerikane qe tia japin te drejten, se per keta tanet, ajo prape nuk e merr ate vend sepse eshte urdheri i eprorit suprem, qe ka pushtuar e dhunuar tere sistemin.

  2. Kjo eshte hequr me urdher te Edi Rames, kjo eshte vertetuar, e aprovuar, Kesaj nuk i kane gjetur asnje dobesi as financiare, e as proceduriale, ajo e meritonte vendin ne KLP por me urdherin e lartemadherise, servilet e shkarkuan. Ishalla ka drejtesi qe e shohin kontrollet e europes e amerikane qe tia japin te drejten, se per keta tanet, ajo prape nuk e merr ate vend sepse eshte urdheri i eprorit suprem, qe ka pushtuar e dhunuar tere sistemin.

  3. Kjo ka te pakten 10 apartamente qe nuk i justifikon dot. Sme plas trapi fare per kete apo kedo por nqs ka pasuri te pajustifikuar duhet sekuestruar dhe denuar sipas Ligjit, pak rendesi ka aftesia e saj

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *