Presidenti Donald Trump ka kthyer mbrapsht kandidaturën e Kathleen Ann Kavalec si ambasadore e SHBA-së në Tiranë.
Shkak i tërheqjes së kandidaturës të Kavalec sipas “Fox News” është bashkëpunimi i saj me spiunin që hartoi dosjen false për presidentin Trump, si dhe informimi i një zyrtari të lartë, para dhe pas zgjedhjeve presidenciale të 2016-ës.
“Fox News”, duke iu referuar një zyrtari të lartë të Shtëpisë së Bardhë, thotë se Kavalec kishte takuar personalisht dhe ishte në komunikim me ish-spiunin britanik Christopher Steele.
Steele njihet si hartuesi i dosjes false per Trump dhe kishte informuar një zyrtar të lartë, para dhe pas zgjedhjeve presidenciale të 2016-ës. Sipas “Fox News”, provë e bashkëpunimit mes Kavalec dhe Steele para dhe pas zgjedhjeve presidenciale të 2016-ës, janë edhe disa emaile, që zbulojnë se ata kanë qenë në komunikim të vazhdueshëm.
Zonja Kavalec u emërua nga presidenti Trump në korrik 2018 dhe qysh nga ajo kohë, kandidatura e saj ka qenë në pritje për t’u konfirmuar nga komisioni i senatit.
“Ajo është emëruar përmes procesit të karrierës, por presidenti tërhoqi nominimin e saj,” tha zyrtari i Shtëpisë së Bardhë.
Megjithatë, faqja e internetit të Departamentit të Shtetit vazhdon ta tregojë Kavalec si kandidate.
Kavalec njihet si punonjëse e Departamentit të Shtetit dhe ka punuar për sekretaren e shtetit Victoria Nuland.
Gjithashtu, ajo ishte përkrahëse e ish presidentit Barack Obama dhe kandidates demokrate Hillary Clinton, duke dhënë një donacion të vogël prej 250 dollarësh në 2012 në Fondin e Fitores së Obama dhe një tjetër prej 250 dollarë për Clinton në 2016.
e verteta e terheqjes se saj qendron ne faktin se edvin kokain rama e ka paguar.qe kelyshet e sorrosit ne ambasaden gjoja amerikane ne fakt ambasada kinezoruse esht.vetem ambasador dhjerje stalini mund te pranojn nje qevri qe ne shtetin e tyre nuk kan gjykat kushtetuese,te lart etj,po ashtu prokurore lop me 68 vota.