Pak ditë pasi Paris Jackson tentoi të kryente vetëvrasje publikohet një audio e momentit, kur dikush që ndodhet në shtëpinë e saj kërkon ndihmë për një problem lidhur me shëndetin mendor të një personi.
Në incizimin e telefonatës të kryer drejt numrit të urgjencës në Los Angeles, dëgjohet biseda për një incident dhe situata cilësohet emergjente.
Gjithashtu pasi ekipi i emergjencës mbërrin në vendin e ngjarjes, e identifikon personin si një VIP.
“The Blast” raportoi se vajza e mbretit të “pop”-it humbi shumë gjak, pasi kishte prerë damarët.
Por menjëherë pasi mediat raportuan të hënën se Paris u shtrua në spital, ajo reagoi duke i cilësuar lajmet si të pavërteta dhe personat që i kanë shkruar, si gënjeshtarë.
Rikujtojmë se në fillim të këtij viti, disa burime pohuan se Paris është parë të hyjë një qendër rehabilitimi.
Mirëpo edhe asokohe ajo i mohoi zërat nëse kishte probleme me shëndetin mendor, duke deklaruar se thjesht shkoi atje pasi kishte nevojë për një pushim të shkurtër.