Dilemat janë të gjitha pjesë të lojës dhe të tilla Christian Panucci ka patur shumë deri në përcaktimin e një formacioni titullar bindës në mendjen e tij, për të rreshtuar në fushën e Loro Boricit kundër Turqisë. Nëse dyshimi i vetëm që kishte në sulm erdhi vetëm kur u dëmtuar Sadiku (që u shua menjëherë), në mbrojtje italiani do ti besojë anti-Uellsit me ndryshimin e vetëm të Djimsitit të rikthyer në vend të Mavrajt të skualifikuar…
Ismaili ka rifituar fanellën e titullarit, duke lënë pas në hierarki Ajetin, ndërsa Veseli ka mundur në konkurencën e krahut të majtë Alijin. Kështu gjithcka e qartë për italianin në portë, ku Berisha nuk kishte rivalë, në mbrojtje e në sulm gjithashtu, ku Abazaj e Balaj mbeten alternative me lojën në zhvillim.
Dilema e vetme e Panuccit është në mesin e fushës, ku Basha ka humbur terren dhe diskutimi është mes Kaces e Abrashit që vjen nga një dëmtim i gjatë. Italiani preferon një qendër mesfushe robuste me Xhakën e Memushaj që janë praktikisht të sigurtë të nisin nga minuta e parë. Tendenca e teknikut është ti besojë Abrashit, por ndërkohë, që Qose ka ngritur kandidaturën, por jo nga minuta e parë.