Një sherr banal ka degjeneruar në përdorimin e thikës. Ngjarja ka ndodhur në Itali, ku një 30 vjeçar shqiptar ka mbetur i plagosur pas goditjes me thikë prej kunatit të tij, në moshën 40 vjeçare.
Media italiane nuk bën publike emrat e shqiptarëve, por detajon se kunati 40 vjeçar i shqiptarit kishte ofenduar bashkëshorten e këtij të fundit. Shqiptari është konfliktuar me kunatin, i cili ka marrë një thikë dhe e ka goditur në bark.
I riu ka përfunduar në spital dhe fatmirësisht ndodhet jashtë rrezikut për jetën, ndërsa kunati i tij është arrestuar disa minuta më vonë nga policia dhe do të akuzohet për vrasje në tentativë.