Ndryshime të shumta po ndodhin në Policinë e Tiranës. Krahas emërimit të drejtorit të policisë, Rebani Jaupaj ka pasur edhe të tjera lëvizje në nivel komisariatesh.
Nga detyra është liruar shefi i komisariatit nr. 6, Pal Marku dhe në vend të tij është emëruar Ardrit Elmazi. Ky i fundit mbante detyrën e shefit të komisariatit nr.3.
Në krye të komisariatit nr.3 në Policinë e Tiranës u komandua Robert Losha. Ai mbante më parë detyrën e shefit të krimeve po tek ky institucion.