Agjencia Kombëtare e Krimit në Mbretërinë e Bashkuar ka deklaruar se vetëm në vitin 2018, janë trafikuar në Britani 947 shqiptarë. Sipas kësaj agjencie, personat e trafikuar shfrytëzohen për prostitucion dhe aktivitete kriminale.
Në total janë 6 993 viktima të kombësive të ndryshme, ku shqiptarët përbëjnë një prej grupeve më të mëdha, pasi 13% e viktimave të identifikuara janë me kombësi shqiptare. Ato shfrytëzohen për punë të detyruar, prostitucion ose aktivitet kriminal. Trafiku i qenieve njerëzore sipas drejtuesit të projektit në Organizatën Ndërkombëtare për Migracionin Patrick Burland ka ardhur si pasojë e shërbimeve të kufizuara financiare, arsimore, punësimit, kujdesit shëndetësor si dhe mungesës së mundësive reale për të përmirësuar standardet e jetesës në vendet e tyre. IOM thotë se fenomeni është bërë pjesë e diskutimeve në Parlamentin e Britanisë së Madhe përmes raportit “Ndërmjet dy Zjarresh” hartuar nga kjo organizatë dhe Universiteti i Bedfordshire.
Titulli i studimit sipas kërkueses Patricia Hynes lindi nga deklaratat e disa femrave shqiptare, të cilat kanë përshkruar se si kanë përfunduar në situatat e shfrytëzimit. Vendet e origjinës së këtyre viktimave theksohet në raport duhet të rrisin mekanizmat mbrojtës, duke mbështetur gratë dhe familjet e tyre, teksa përballen me diskriminimet e shoqërisë. Ndërkohë që më herët ka qenë Departamenti Amerikan i të Shtetit i cili qershorin e vitit 2108 në raportin për trafikimin e personave shprehet se qeveria shqiptare nuk përmbush plotësisht standardet minimale për eliminimin e trafikimit.
Më pas, në Raportin e fundit të të Drejtave të Njeriut Shqipëria u kritikua për mungesën e zbatimit të ligjeve kundër trafikimit të qenieve njerëzore, duke vënë në dukje se vetëm një numër i vogël i autorëve të veprave penale janë ndjekur apo dënuar. Kritika të tjera u bënë kundër mungesës së zbatimit të ligjeve të hartuara për të mbrojtur gratë dhe vajzat nga dhuna dhe sulmet seksuale.
Lum ne dhe lum trafiku!
Britaniket te mos shqetesohen shume..Ata qe jane atje e bejn nga pasqyra qe kemi ne ketu.E gjithe rilindja(jo socialistet ) jane nje orgi pervesiteti i gjadhe