Një shenjë në fytyrë, për cdo futbollist e arbitër që ka zbritur në fushën e Loro Boricit, për supersfidën mes Kukësit e Partizanit. Në fakt, duket si shenjë, sepse bëhet fjalë për një mesazh të shkruar: “Me ty”. Kjo është një fushatë ndërgjegjësuese, kundër dhunës dhe abuzimit më të cilën përballen vajzat dhe gratë shqiptare.
Një mesazh sensibilizues që ka gjetur përkrahjen e futbollit, sepse në ndeshjet e javës së 26 të kampionatit, të gjithë futbollistët, në cdo fushë, do të mbajnë mesazhin #METY.
Një fushatë që është ndërmarrë nga organizata “Të Ndryshëm & Të Barabartë” dhe Qendra për Veprim Social dhe Inovacion (KMOP), mbështetur financiarisht nga Bashkimi Evropian, e cila mbështetet edhe nga FSHF.