• |
ide | kryesore

Vlorë/ Arrestohet një person për armëmbajtje pa leje, shpallet në kërkim një tjetër

Lajme, Të fundit



Kanë mjaftuar informacionet e marra në rrugë operative për dy persona që udhëtonin në një mjet tip Touareg që policia e Vlorës të arrestojë një prej tyre e shpallë në kërkim një tjetër.

Mësohet se policia e Vlorës u ka bërë shenjë ndalimi, por këta shtetas nuk i janë bindur urdhrit të punonjësit të policisë për të ndalur, duke u larguar me shpejtësi.

Policia ka mundur të vërë në pranga njërin prej tyre, 31 vjeçarin A.T., nga Vlora, i cili ishte fshehur në një banesë në lagjen “10 Korriku” Vlorë, si dhe ka sekuestruar në vendin e ngjarjes një armë zjarri tip “Pistoletë” dhe një automjet “Touareg”.

Ndërkohë është shpallur në kërkim shtetasi tjetër, një 33 vjeçar që mundi të largohej. Ende vijon krehja e zonës për të bërë të mundur kapjen e tij.

Materialet do t’i referohen Prokurorisë për veprën penale “Mbajtja dhe prodhimi i armëve, armëve shpërthyese dhe municionit” kryer në bashkëpunim.



Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *