Kryeministri i Kosovës, Ramush Haradinaj, përpos urimit ndaj sekretarit të përgjithshëm të NATO-s, Jens Stotelberg, për 70-vjetorin e nënshkrimit të Traktatit të themelimit të kësaj aleance, ka patur dhe një kërkesë.
Ai ka shprehur dëshirën që dhe Kosova të jetë pjesë e aleancës si kontribuese në ruajtjen e paqes dhe stabilitetit.
“Njëzet vjet më parë, NATO mbrojti të drejtat e popullit të Kosovës përballë një fushate gjenocidale të vrasjes dhe terrorit. Populli i Kosovës përherë do t’i jetë mirënjohës ShBA-së dhe shteteve anëtare të NATO-s. Tani, pas dy dekadave, si popull i lirë me orientim të natyrshëm dhe të palëkundur euro-atlantik, ne synojmë që të jemi pjesë e aleancës së shteteve të NATO-s dhe të japim kontributin tonë të plotë në mbrojtjen e vlerave dhe parimeve të sigurisë, lirisë dhe demokracisë. #WeAreNATO#NATO70”, shkruan Haradinaj në Facebook
Bravo Haradinaj
Po’ permirsove Pak edhe gjendje e popullit
Do jesh njish.