Tetë vjet burg për dhunë seksuale të rënduar, rrëmbim dhe lëndime shumë serioze, kërcënime dhe shpifje kundër të dashurës 18 vjeçare.
Ky është dënimi i diktuar gjatë ditës së djeshme ndaj shqiptarit Kledian Hoxhaj, 21 vjeçar, që jeton në San Concordio në Lucca. Aktualisht, i riu është i burgosur në Prato.
Ngjarja tronditëse që 21 vjeçari u bë protagonist daton në nëntor 2017. Në atë kohë, shqiptari kishte një lidhje dashurie me vajzën, por duke u shndërruar në xheloz paranojak.
Në të paktën tre ose katër raste, ai e kishte rrahur vajzën si ‘ndëshkim” për sjelljet që nuk i pëlqenin. Vajza nuk e kishte denoncuar. Në një mbrëmje, e reja ra dakord të qëndronte në shtëpinë e tij, i cili jetonte vetëm në San Concordio, për të kaluar natën aty për herë të parë.
Papritur, shqiptari sipas mediave italiane, shpërtheu në agresion të fortë ndaj saj .
Ai e kishte lidhur vajzën në shtrat duke e përdhunuar pa qenë në gjendje të kundërshtonte. Për shkak të xhelozisë së çmendur, e kishte grushtuar, kapur për fyti dhe madje e goditi me bishtin e fshesës, e cila ishte thyer për shkak të brutalitetit të goditjeve.
Një natë e pafundme terrori për vajzën, të cilës i kishte marrë edhe telefonin celular për të parandaluar thirrjen për ndihmë.
Rreth mesditës së ditës së nesërme, ai është veshur për të dalë duke e mbyllur në shtëpi dhe vajza duke përfituar nga një moment shpërqendrimi, ka marrë telefonin duke lajmëruar prindërit.
Para se të largohej, ai e kishte kërcënuar me vdekje: “Nëse më denoncon, unë do t’ju vras …”.
Prindërit e tronditur u çuan vajzën në dhomën e urgjencës, me shenja të rënda dhune, ënjtje dhe të nxira në pjesë të ndryshme të trupit
E nënshtruar dhe e frikësuar nga brutaliteti i dhunës, vajza sërish nuk donte ta denonconte, madje i ka dërguar mesazhe “pozitive”.
I riu, në sytë e policëve që e arrestuan, nuk u duk i penduar apo i mërzitur. Në të vërtetë, ai pohoi se e kishte mbrojtur veten nga vajza.
Tani, Hoxhaj, do të kalojë 8 vite të jetës së tij në burg, dënim i dhënë fal procesit gjyqësor me procedurë të shkurtuar./panorama