Kancelarja Angela Merkel ishte ditën e sotme në Dublin, për një takim me kryeministrin irlandez, Leo Varadkar.
Të dy liderët dhanë një konferencë të përbashkët shtypi në Dublin pas bisedimeve me fokus procesin e Brexit. Merkel falenderoi Varadkar për ftesën në një tryezë të rrumbullakët me persona nga zonat kufitare të Irlandës Veriore dhe Jugore.
“Vij personalisht nga një vend i cili prej kohësh ka qenë i ndarë nga një mur, pasi kam jetuar 34 vjet prapa Perdes së Hekurt dhe e di se çfarë do të thotë kur muret bien, kur kufijtë zhduken dhe kur ne duhet të bëjmë gjithçka që kjo bashkëjetesë paqësore të ruhet”, u shpreh kancelarja gjermane.