Pas inspektimit të kryer në terren ditën e djeshme nga Kryeministri Edi Rama për nisjen e punimeve në aeroportin e Kukësit, Partia Demokratike ka publikuar një video përmes të cilës akuzon kreun e ekzekutivit për mashtrim të kuksianëve. Sipas PD-së, video tregon qartazi se makineritë e ndërtimit janë zhvendosur prej vendpunimeve fill pasi është larguar Rama.
“Në aeroport nuk ka nisur asnjë punim, edhe për faktin se akoma nuk ka një leje ndërtimi nga Agjencia e Zhvillimit të Territorit.”- përmbyllet deklarata e PD-së.