• |
ide | kryesore

Alex Sandro prek topin me dorë, Fabbri nuk jep penallti: Reina “Në Stadium vështirë të premiohesh”

Sport

Milan i tërbuar me humbjen e marrë në Stadium përballë Juventus, mbi të gjitha për gabimet arbitrare dhe një ndjesi favorizimi të kundërshtarëve, që nuk i ka lënë të qetë shpirtrat kuqezinj në përfundim të humbjes 2-1. “Vështirë se premiohesh në stadium, nëse janë vendime për tu marrë në dyshim e sipër 50-50”, tha Reina pas ndeshjes, në të njëjtën linjë me Leonardon, që akuzon mbi të gjithë një penallti të padhënë për Milan.


Rast moviole në të 34′ e Juventus-Milan: Calhanoglu, në të djathtë, krosonfort në qendër, por Alex Sandro devijon topin me dorë. Mbrojtësi bardhezi, mban krahun të hapur (edhe pse më pas kërkon ta afrojë me trupin) por topi godet pjesën e parakrahut. Protesta kuqezi, arbitri Fabbri konsultohet me VAR pastaj vendos të mos japë penallti.

15 minuta pas rifillimit, Dybala hyn në zonë i ndjekur nga Musacchio. Joya, duke e ndjerë kundërshtarin, zgjat këmbën e djathtë duke gjetur kontaktin me mbrojtësin kuqezi që nuk fiton kohë, por zgjedh të ndërhyjë duke mos kapur topin: kontakti është, Fabbri vendos të fërshëllejë penalltinë e VAR i jep të drejtë.

Protesta tjetër milaniste katër minuta nga fundi: në zonën e Juventus kontrastohen Mandzukic e Romagnoli, sulmuesi kroat (me të verdhë) nga toka e godet me shkelm kapitenin kuqezi, me topin larg. Fabbri nuk mund ta shihte, por asnjë sinjalizim nuk erdhi nga VAR.

Lini një Përgjigje

Adresa juaj email s’do të bëhet publike.

Kthehu