Liverpool nuk i beson Portos, kundërshtar i Reds në cerekfinale të Champions që nisin të martën me ndeshjen e vajtjes. “Të gjithë donin të përballeshin me Porto në cerekfinale, por jo ne – tha Klopp në konferencën e vigjiljes -. Personat me një njohje të mirë të futbollit nuk do të kishin dashur të përballeshin me skuadrën portugeze, kjo është e vërteta. Në krahun tjetër, askush nuk donte të ndeshej me Liverpool. E di, do të jetë një cerekfinale e vështirë, por do ta përballim në mënyrën e duhur”.
Në sezonin e kaluar Liverpool i shënoi pesë gola Portos, që tani mendon për hakmarrje. “Sfida e sezonit të kaluar mund të jetë më e nevojshme për ata se për ne – shpjegoi tekniku i klubit anglez -. Shënuam dy ose tre gola në kundërsulm, u treguam cinikë. Në këtë sezon kemi patur shumë momente pozitive në Europë, më shumë se ato negative. Pas ndeshjes me Bayern, të gjithë folën për 0-0 në Alfield Road e menduan se nuk do të mjaftonte. Përballuam me respekt të madh gjermanët e duhet ta bëjmë edhe me Porton. Thatësira e golit e Salah? Askush nuk shqetësohet, as ai vetë. Punon si gjithnjë me ritme brilante, si në stërvitje ashtu dhe në ndeshje. Kundër Southampton shënoi një gol të shkëlqyer, vendimtar, të rëndësishëm”.