Në ditët e fundit kanë qarkulluar disa zëra për një të ardhme tjetër të klubit të Romës, me një fond nga Katari, pranë presidentit të PSG, Naser Al Khelaifi, i cili do të ishte shumë i interesuar për blerjen e klubit verdhekuq.
Presidenti i Romës, James Pallotta, nga Shtetet e Bashkuara të Amerikës ka hedhur poshtë këtë mundësi me një përgjigje të shkurtër: “Falso” duke forcuar kështu vullnetin e tij për të vazhduar udhëheqjen e skuadrës së futbollit, pavarësisht një sezoni problematik, ku nuk shpëtuan as trajneri e as drejtori sportiv. Sipas asaj që bën të ditur Corriere dello Sport, në aspektin financiar flitet për një propozim prej 400 milion eurosh, lajm që është përgenjështruar nga pronari amerikan.