Kryeministri Ramush Haradinaj pak pas kthimit nga Amerika i është drejtuar muzeut të Bllacës, për të nderuar të gjithë refugjatët e luftës së 99-ës.
Sipas kryeministrit Haradinaj, muzeu “Bllacë 99” do të jetë zëri i ndërgjegjes që askush të mos harrojë historinë.
“Kjo do të jetë Shtëpia që fol me zërin e ndërgjegjes, kundër harresës”, është shprehur Haradinaj gjatë ceremonisë. Ai u shpreh dhe se nëse historia harrohet, ajo mund të përsëritet.
“Bota e lirë mos me leju më kurrë spastrimin etnik sepse kush e harron historinë, ajo i përsëritet”, është shprehur ai.