Vettingu, Komisioneri Publik ankimon vendimin për Donika Prelën

Donika Prela nuk i ka mbyllur hesapet me vettingun ende. Komisioneri Publik ka ankimuar vendimin e Komisionit të Pavarur të Kualifikimit për drejtuesen e Prokurorisë së Krimeve të Rënda. Donika Prela është akuzuar shpesh nga opozita si prokurorja që mban pezull hetimet për Vangjush Dakon dhe bandën e Avdulajve në Shijak. Madje sipas PD-së, ajo ka liruar nga burgu edhe anëtarë të grupit kriminal të Avdulajve gjatë kohës kur drejtonte Prokurorinë e Durrësit. Mbetet për t’u parë nëse Prela do ta kalojë apo jo edhe Komisionin e Apelimit, organi përfundimtar që do të vendosë nëse shoqja e Arta Markut do të vijojë apo jo karrierën në sistemin e drejtësisë.

©LAPSI.al