• |
ide | kryesore

Apartamenti në Tiranë dhe llogari bankare të padeklaruara, pse u shkarkua kryetarja e Gjykatës Gjirokastër

Lajme, Të fundit

Kryetarja e Gjykatës së Gjirokastrës Albina Spaha u shkarkua sot nga Komisioni i Pavarur i Kualifikimit. Komisioni e gjeti atë gjatë hetimit administrativ me probleme në kriterin e pasurisë. Trupa gjykuese e përbërë nga Xhensila Pine kryesuese, Genta Tafa (Bungo) anëtare dhe Pamela Qirko relatori vendosi në favor të shkarkimit pasi e hetoi Spahan në të tre kriteret.

Gjatë seancës dëgjimore Spaha u përball me një sërë dyshimesh mbi burimin e ligjshëm të pasurive të saj. Sipas relatores ajo nuk kishte burime të ligjshme për të justifikuar blerjen e një apartamenti në Tiranë dhe kursimet ndër vite. KPK po ashtu gjeti disa shuma në llogari bankare që sipas relatores nuk ishin deklaruar dhe nga analiza financiare rezultoi një bilanc negativ prej 6.3 milion lekësh.

Spaha u mbrojt duke pranuar si pakujdesi mosdeklarimet. Po ashtu ajo kërkoi që të përfshiheshin në analizë të ardhurat e bashkëshortit sipas asaj që ajo kishte deklaruar.

Në këtë pikë Spaha u duk se ishte në një situatë të ngjashme me magjistratë të tjerë dhe ngjashëm ajo fajësoi kompanitë e ndërtimit që kishin punësuar të shoqin që nuk kishin paguar sigurime dhe tatime për rroga të plota.

Gjatë seancës dëgjimore u vu në dukje se ajo nuk kishte probleme në kriterin e figurës dhe u vlerësua pozitivisht në kriterin e profesionalizmit. KPK nuk u shpreh për 5 denoncime që kishte marrë por tha se do i shpjegonte në vendim. /BIRN/

6 Comments

  1. Dil o tefta e na trego prap se sa shume e njihje kete bajgen. Keto qe kan dal jan vetem 5% te pasuris se kesaj te “ndershmes”.

  2. O I paemer kam një pyetje për ty: sa te paguajne për keto komentet ordinere??????
    Dhe prape i meshoj mendimit tim se Zonja në fjale nuk e meriton shkarkimin Por qëkur vettingu ta ne duart e Pamelaw Qirkos motres se Belinda Ballukut anoramilteti do shteti si normale

  3. Ah edhe dicka kjo zonja e ka burrin inxhinier dhe firmat e paguanin duke I dhene apartamente dhe normale sepse keshtu ka funksionuar dhe funksionon Por truri i vogel tuaji nuk e nxe kaq gje ska sesi xhanem!

Lini një Përgjigje

Adresa juaj email s’do të bëhet publike.

Kthehu