Flakët e zjarrit kanë përfshirë një apartament në katin e parë të një pallati në Shkodër. Mësohet se zjarri ka rënë në ‘Pallatin e Beqarëve’ në lagjen Skënderbe në Shkodër.
Nuk dihen ende shkaqet e rënies së zjarrit në apartament ndërkohë që po punohet për zbardhjen e tyre. Zjarrfikësit kanë ndërhyrë duke shuar flakët dhe kanë shpëtuar pa lëndime familjarët që jetonin në këtë banesë.