Nëntë parti të reja politike që do të marrin pjesë në zgjedhjet vendore të 30 qershorit, pritet të regjistrohen ditën e martë pranë Komisionit Qendror të Zgjedhjeve. Afati i parashikuar ligjor për regjistrimin e subjekteve partiake deri më datë 21 prill, u zhvendos për arsye të ditës së pushimit zyrtar me rastin e festës së Pashkëve.
Më poshtë janë listuar 9 partitë e reja që priten të regjistrohen më datë 23 prill në zyrat e KQZ-së:
-Partia e Reformave Demokratike Shqiptare;
-Demokracia Sociale;
-Partia Zgjidhja;
-Pajtimi Kombëtar;
-Social-Punëtore;
-Partia Ligj dhe Drejtësi;
-Fryma e Re Demokratike;
-Aleanca Kuq e Zi;
-Partia Lista e Barabartë.
Deri tani, në KQZ numërohen 25 parti politike të regjistruara për garën e lokaleve të këtij viti .