Një mbrëmje dyfish speciale për Paris Saint-Germain, ajo në Parc de Prince përballë Monaco: festa për titullin kampion por edhe bamirësia për Notre-Dame e zjarrfikësit. Skuadra parisiene, në ndeshjen kundër Monaco ka mbajtur veshur një fanellë speciale: përpara me simbolin e katedrales së Parisit që mori flakë një javë më parë, ndërsa prapa e shkruajtura “Notre-Dame” në vend të emrit të futbollistëve. Një mijë fanella të tilla do të shiten me cmimin e 100 euro dhe e gjithë shuma do të shkojë për shoqatat që lidhen me zjarrfikësit, që shuan flakët pas orësh të tëra punë të palodhur.