Ka përfunduar ekspertiza mjeko-ligjore për zbulimin e shkakut të vdekjes së shqiptarit Bandiol Tusha, i cili humbi jetën në muajin janar teksa po vuante dënimin për veprën penale të “Trafikut të Drogës” në burgun e Koridhalos në Greqi. Mjekët ligjorë kanë konkluduar se vdekja e Tushës nuk ka ardhur si pasojë e helmimit, siç pretendohej në ditët e para pas ngjarjes, por i ndjeri është mbytur me jastëk ose me litar.
Në përgjigje të ndodhisë, ministria greke e Drejtësisë nuk ka konfirmuar ende nëse shqiptari i dënuar ka qenë përdorues i lëndëve narkotike, duke ngritur hipoteza rreth shkaqeve të vdekjes së tij.