Kapet në Itali një gomone me 1.5 ton drogë. Gomonia ishte mbushur me kanabis. Policia italiane arrestoi dy shqiptarë, të cilët dyshohet se janë transportuesit e lëndës narkotike.
Droga ishte vendosur në një gomone 10 metra të gjatë dhe ishte ndarë në 17 koli. Gomonia me dy motorë u sekuestrua në brigjet italiane.
Në treg, sasia e lëndëve narkotike të sekuestruara vlen 15 milionë euro.