Kush tha që futbolli ka tani vetëm vlerën e parasë? Marcelo Bielsa tregoi këtë herë të kundërtën me një gjest të jashtëzakonshëm fair play. Ndeshja mes Leeds-Aston Villa, ku në lojë ishte promocioni në Premier League ka qenë skenë e një veprimi nga ato që mund të shihen vetëm një herë në jetë. Skuadra vendase e drejtuar nga Loco, kaloi në avantazh 18 minuta nga fundi me Klich, një gol që është kundërshtuar fort nga rivalët. Në fillim të aksionit, Aston Villa i ka kërkuar kundërshtarëve të nxjerrin topin jashtë fushë, duke qenë se një lojtar kishte mbetur i dëmtuar. Mungesa e ndërprerjes së lojës solli golin e Klich me Villans pratikisht të ndaluar, duke prodhuar një sherr të tmerrshëm.
The Championship remains utterly undisputed pic.twitter.com/WkaNjVnHXS
— James Dart (@James_Dart) April 28, 2019
Por ai që qetësoi menjëherë situatën ishte Bielsa që në dakordësi me arbitrin i kërkoi të tijve të lejojnë Aston Villa të shënojë, pavarësisht kundërshtimit të disa prej lojtarëve të Leeds që po e shihnin të realizuar ëndërrën Premier. Rezultati? Leeds nuk shkoi përtej 1-1 e u kualifikua dirëkt Sheffield United. Marcelo Bielsa i ka treguar të gjithëve, edhe një herë, se nuk ka të ngjashëm në botë.
Pas ndeshjes Bielsa ka komentuar shkurt episodin: “Faktet janë ato që panë të gjithë, ajo që ndodhi ndodhi”. Natyrisht veprimin e teknikut të ‘çmendur’ e kanë vlerësuar të gjithë, edhe kolegu i Villans, Dean Smith, por nuk dihet nëse drejtuesit e Leeds do ta falin këtë ndërgjegje të lartë të Bielsa, në rast se dështojnë të rikthehen këtë sezon në Premier.
In case you didn't see it…pic.twitter.com/Tsro8RBH26
— 32Red (@32Red) April 28, 2019