Policia e qytetit të Sarandës ka vënë në pranga shtetasit, E.G., 31 vjeç, L.Xh., 24 vjeç dhe F.H., 30 vjeç, nën akuzën e vjedhjes në bashkëpunim.
Tre të ndaluarit u arrestuan në flagrancë në fshatin Xarrë të Konispolit, teksa po udhëtonin me një automjet të tipit “Mercedez Benz”, në brendësi të të cilit u gjet një motorr-skaf i vjedhur.
Pas hetimeve të kryera nga blutë e Sarandës, rezultoi se objekti i vjedhur ishte në pronësi të shtetasit I.D, me banim në Ksamil.
Materialet proceduriale i kanë kaluar Prokurorisë pranë Gjykatës së Shkallës së Parë në Sarandë, për ndjekjen e veprimeve të mëtejshme.