Zërat që janë intensifikuar për një interesim të Juventus për teknikun spanjoll, Pep Guardiola, kanë trembur një nga tifozët më të famshëm të Manchester City. E kështu, këngëtari Noel Gallagher ka paralajmëruar bardhezinjtë. “Guardiola tek Juventus? Nuk do të ndodhë kurrë, unë nuk e lejoj. Guardiola është një trajner i madh e një person simpatik, një djalë fantastik”, ka thënë ai për RTL 102.5.
Ashtu si Juventus, edhe City ka dalë jashtë Champions League, gati gati si një dështim: “Cfarë na mungon të fitojmë Champions? Pak fat, por është gjithnjë viti i ardhshëm, nuk është se mbarojnë tani shanset. Kur është Champions shoh gjithnjë në cilin qytet do të zhvillohet finalja. Nëse është, nuk e di, në Azerbaixhan them që nuk kemi nevojë ta fitojmë, por nëse është në Roma duhet ta fitojmë. Kështu që herën tjetër që finalja është në Roma, do të fitojmë”.