Liverpool mbetet në ankth për gjendjen e Mohamed Salah. Sulmuesi egjiptian ka braktisur fushën me lot në sy, ndërsa dilte me barrelë në minutën e 28′ të pjesës së dytë të sfidës së Premier League në shtëpinë e Newcastle, pas një përplasje të fortë me portierin kundërshtar Dubravka. Nuk ka qenë aspak një moment i lehtë me lojtarin që për disa minuta mbeti i palëvizur në fushë, gati pa ndjenja, pas goditjes së marrë në kokë. Standing ovation i publikut gjatë daljes nga fusha të egjiptianit, që frikëson tashmë mendimet e Klopp, përpara ndeshjes së kthimit me Barcelonën, në Champions League, ku duhen rikuperuar tre gola.
Optimizmi në kampin e të kuqve ka ardhur pas fjalëve siguruese të teknikut të Liverpool Jurgen Klopp mbi gjendjen e Salah pas ndeshjes: “Kur u kthyem në dhomat e zhveshjes, ishte ulur dhe po ndiqte ndeshjen. Kështu që ndihej mirë, por natyrisht duhet të presim. Mori një goditje të keqe”. Të martën Reds do të luajnë në Anfield kundër Barcellona, në ndeshjen e kthimit gjysëmfinale të Champions League pas 3-0 që pësuan në Camp Nou.
