Forcat e Ndërhyrjes së Shpejtë po zhvillojnë një operacion të befasishëm në këto momente në qytetin e Sarandës.
Në operacion janë përfshirë edhe forcat e policisë së Vlorës, Sarandës, si edhe Shërbimi Informativ Shtetëror.
Të paktën 10 persona janë shoqëruar gjatë këtij operacioni.
Personat e shoqëruar dyshohet të jenë pjesë e një grupi të trafikut ndërkombëtar të drogës, por nuk dihen ende më shumë detaje se çfarë po ndodh në qytetin bregdetar.