DJ australian Adam Sky ka vdekur në një incident gjatë pushimeve në ishullin indonezian të Balit.
42-vjeçari raportohet se u plagos rëndë duke u përpjekur të ndihmonte një shoqe që kishte pësuar lëndime të shumta. Ai po nxitonte për të ndihmuar miken e tij duke thyer një derë qelqi që i shkaktoi plagë të rënda dhe humbje gjaku. Sipas njoftimeve, ajo kishte rënë disa metra nga tarraca e banesës së tyre. Një njoftim zyrtar që konfirmon vdekjen e DJ është postuar në faqen e tij zyrtare Instagram.