Presidenti turk, Rexhep Tajip Erdogan, u shpreh sot se vendimi që të rivotohet në Stamboll është një hap i rëndësishëm drejt forcimit të demokracisë.
Sipas Erdogan, votimi i parë në Stamboll ishte “i shkatërruar nga korrupsioni dhe paligjshmëria”.
Ditën e djeshme, Bordi i Lartë i Zgjedhjeve vendosi për një rivotim në Stamboll më 23 qershor. Në Stamboll doli i humbur kandidati i Erdoganit. Opozita e vendit ka akuzuar presidentin Erdogan për prirje diktatoriale. Ndërsa, Erdogan nga ana tjetër pretendon se rivotimi ka të bëjë me përcjelljen e vlerave demokratike, raporton “Reuters’.
Lira turke humbi pikë ndaj dollarit pas vendimit zgjedhor. Erdogan tha se Turqia po përballet me sabotim ekonomik dhe u zotua të shmangë sulmet ndaj ekonomisë.