• |
ide | kryesore

Herën e fundit që Luftëtari pësoi 5 gola në një ndeshje, u shkarkua Mezani…

Sport

Pesë gola në 90 minutat e kthimit të Kupës së Shqipërisë nuk i kishte menduar as tifozi më fatalist i Luftëtarit, e aq më tepër kur në lojë ishte finalja e Kupës së Shqipërisë. Nuk e kishte imagjinuar sepse luhej kundër një skuadre që ishte në të njëjtën situatë me ta në renditje, e kishte të njëjtën ambicje. Luante kundër një kundërshtari që në harkun e dy javëve e kishte përballuar dy herë, duke e barazuar pa gola dhe 1-1 dhe nuk është se kishte dëshmuar më parë një ofensivë kaq të tmerrshme sa për ta damkosur Luftëtarin me një shuplakë që është e destinuar të krijojë polemika, për mënyrën se si erdhi.

Bluezinjtë nuk janë një skuadër që mund të shthuret kështu, të paktën jo kjo skuadër që drejtohet nga Ahmataj, në gjysmën e dytë të sezonit. 2019 e Luftëtarit, bashkë me Kastriotin e Partizanin është e një skuadre që në renditje parciale do të ishte në mos kampion në zonën europiane të renditjes. Në tetë javët e fundit, që nga disfata 3-0 me Kukësin, bluezinjtë kanë pësuar katër gola dhe asnjëherë nuk kanë marrë më shumë se një gol për ndeshje.


Kështu që është e pashmangshme të mos kthehet në kujtesë shpërbërja totale e gjirokastritëve në atë 5-1 kundër Kastriotit, që solli shkakrkimin e Gentian Mezanit. Atëherë ishte tjetër skuadër, me shumë probleme, ndaj dhe kjo 5-3 në gjysëmfinalen e kthimit të Kupës, nuk është se lë shije të mirë…

Lini një Përgjigje

Adresa juaj email s’do të bëhet publike.

Kthehu