Probleme të mëdha për Mino Raiola në prag të merkatos së verës. Menaxheri i fuqishëm, që u dënua nga Federata Italiane e Futbollit, u bllokua tashmë edhe nga Fifa, që ka komunikuar zyrtarisht se e ka shtrirë përtej kufijve italianë pezullimin e vendosur të mërkurën nga Figc. Konfirmohet edhe ndalimi për dy muaj i kushëririt të Raiola, Vincenzo: “Presidenti i Komisionit Disiplinor të Fifa ka vendosur sot të shtrijë në nivel botëror efektet e sanksioneve të vendosura nga Figc për ndërmjetësit Carmine e Vincenzo Raiola – shkruhet në komunikatën e shfaqur në faqen zyrtare të Fifa – Carmine Raiola është ndaluar për një periudhë tre mujore e Vincenzo Raiola për një periudhë dy mujore. Vendimi i komisionit disiplinor të Fifa është marrë sot dhe ka efekt të menjëhershëm”.
Worldwide extension of suspension imposed on intermediaries Carmine and Vincenzo Raiola: https://t.co/1h9L2yxbWq
— FIFA Media (@fifamedia) May 10, 2019
Problem i madh, duke qenë se Raiola nuk mund të ushtrojë profesionin e tij në tre muajt në vazhdim, në të cilat zhvillohet merkato verore e futbollit: qershor e korrik e pjesa e parë e gushtit. Motivi i pezullimit nuk është bërë i ditur as nga Fifa e as nga Figc, por mund të jetë i lidhur me transferimin e Gianluca Scamacca nga Sassuolo tek Zëolle verën e kaluar. Pasi mësoi pezullimin e Figc, Raiola në ditët e kaluara kishte komentuar ashpër: “Kjo ndalesë në Itali nuk është surprizë. Personalisht kam frikë se është një vendim i inspiruar nga logjika të pallatit të pushtetit, pa llogaritur realitetin. Ndoshta nuk mi kanë falur kritikat që i bëra Figc për gjendjen e futbollit italian dhe për episodet e fundit të racizmit, sepse më kanë përfshirë në një histori të shpikur me art, me të cilën nuk kam të bëj fare”.