Drejtuesi i Prokurorisë pranë Gjykatës së Rrethit Gjyqësor Tropojë, Artan Shtrungza, është konfirmuar në detyrë, pas përfundimit të hetimeve nga Komisioni i Pavarur i Kualifikimit (KPK) mbi kriteret e pasurisë, të pastërtisë së figurës dhe të aftësive profesionale.
Figura e Shtrungzës kaloi me sukses procesin e vetting-ut nën shqyrtimin e treshes gjykuese të KPK-së të përbërë nga kryesuesja Etleda Çiftja, relatorja Genta Tafa (Bungo) dhe anëtarja Pamela Qirko, të cilat e kryen vlerësimin bazuar në dokumentacionin e vënë në disponim nga Drejtoria e Sigurimit të Informacionit të Klasifikuar (DSIK), nga Prokuroria e Përgjithshme dhe nga Inspektoriati i Lartë i Deklarimit dhe Kontrollit të Pasurive dhe të Konfliktit të Interesave (ILDKPKI). Në seancë ndodhej në cilësinë e vëzhgueses ndërkombëtare, gjyqtarja Elka Ermenkova.
Shtrungza ka nisur karrierën e tij në vitin 2004 duke shërbyer si Oficer i Policisë Gjyqësore. Më tej, në vitin 2010 u promovua si prokuror i të njëjtit rreth gjyqësor. Ndërsa, duke filluar nga viti 2012, Shtrungza ka mbajtur për periudha të ndryshme pozicionin e drejtuesit të Prokurorisë së Tropojës.
KETA JANE TE GJITHE GJOBEVENESA . NJE ME SHUME E NJE ME PAK NUK BENE DIFERENCE . TE RROJE PARTIA