Nuk është akoma zyrtarizimi si në rastin e divorcit të Allegrit nga Juventus, por fjalët janë mjaftueshëm të përcaktuara në këtë rast. Mauro Icardi, ashtu si ndodh shpesh, zgjedh rrjetin social për të qartësuar pozicionin e tij mbi të ardhmen. Postimi në fakt nuk lë asnjë vend për ngatërresë: “Meqë në kohët e fundit shtypi ka marrë përsipër të pasqyrojë lajme që nuk janë as mendimi e as vullneti im – shkruan argjentinasi -, e kam të rëndësishme të informoj tifozët tanë, që i kam komunikuar në më shumë se një rast shoqërisë se qëllimi im është të qendroj tek Inter”.
Sulmuesi zikaltër vazhdon më tej: “Kështu, nga sot e tutje, nuk do të krijohen keqkuptime të asnjë lloji. I kuptoj interest e shtypit të shesë lajme false, por më shumë se ti qartësoj gjërat personalisht nuk mund të bëj”.
E në fund, Icardi saktëson: “E përsëris, i kam shprehur Inter vullnetin tim për të qendruar, sepse Inter është familja ime. Koha do të thotë se kush ka thënë të vërtetën. Forca Inter, gjithmonë”.