• |
ide | kryesore

Basha flet tek BBC për protestat dhe shtyrjen e negociatave

Lajme, Të fundit



Gjatë vizitës zyrtare në Londër, Lulzim Basha dha një intervistë për “BBC World”, ku foli lidhur me situatën aktuale në Shqipëri, vendimet e qeverisë dhe opozitës. 

Basha është shprehur se e dënon dhunën por ka shtuar se dhuna në protetsat e zhvilluar së fundmi në vend, është shprehje e zemërimit të popullit.

“Absolutisht. PD ka bërë gjithmonë thirrje për protesta jo të dhunshme. Është distancuar dhe do të distancohet gjithmonë nga dhuna. Megjithatë, duhet kuptuar se dhuna e izoluar që, falë Zotit, nuk shkaktoi viktima – asnjë person i vetëm nuk u plagos, asnjë polic nuk u lëndua – është shprehje e zemërimit në rritje”, – u shpreh kryedemokrati.

Ai renditi mes të tjerash edhe disa akuza kundrejt kryeministritRama, ndërsa thekson se Shqipëria nuk mund të shkojë në BE me këtë situatë ku ndodhet vendit.

“Vende anëtare kanë dalë në përfundimin se progresi i Shqipërisë drejt përmbushjes së kushteve për hapjen e negociatave të anëtarësimit është i pamjaftueshëm. Pyetja shtrohet: çfarë vjen pas kësaj? Problemi më i madh është sesi të kapërcehet kjo krizë e thellë, e cila tani po shpërthen me zemërim nëpër rrugë dhe sheshe”, është shprehur Basha.

Intervista e kreut të PD, Lulzim Basha për BBC

BBC WORLD: Gjatë 3 muajve të fundit në Shqipëri janë zhvilluar protesta antiqeveritare, me protestues që bëjnë thirrje për dorëheqjen e qeverisë dhe për mbajtjen e zgjedhjeve të parakohshme. Ka patur edhe dhunë fundjavën e shkuar, ku mijëra protestues, që mbështesin PD në opozitë, dolën në rrugët e kryeqytetit shqiptar, Tiranës. Zyrat e kryeministrit u goditën me bomba benzine, duke nxitur thirrjet për qetësi të disa vendeve të BE-së dhe SHBA. Në krye të këtyre protestave është lideri i Partisë Demokratike në opozitë, Lulzim Basha, i cili ka shërbyer si Ministër i Jashtëm dhe Ministër i Brendshëm në qeveritë e mëparshme të drejtuara nga PD. Unë e nisa bisedën me të duke e pyetur, nëse e dënon dhunën e ndodhur.

LULZIM BASHA: Absolutisht. PD ka bërë gjithmonë thirrje për protesta jo të dhunshme. Është distancuar dhe do të distancohet gjithmonë nga dhuna. Megjithatë, duhet kuptuar se dhuna e izoluar që, falë Zotit, nuk shkaktoi viktima – asnjë person i vetëm nuk u plagos, asnjë polic nuk u lëndua – është shprehje e zemërimit në rritje. Këto protesta janë pasojë e një krize që ka shpërthyer me të gjithë fuqinë gjatë 4 muajve të fundit: krizë kushtetuese, krizë politike dhe pasojat e saj ekonomike e sociale.

BBC WORLD: Çfarë duhet tē ndodhē me ata që janë përgjegjës për dhunën?

LULZIM BASHA: Siç e thashë, falë Zotit, asnjë polic i vetëm nuk u lëndua. Por numri 3 i PD-së u dhunua brutalisht dhe dhunshëm nga policia. Media ishte në gjendje ta filmonte këtë episod dhe ta transmetonte live. Në vend që këta policë të përballen me përgjegjësitë e tyre, sipas ligjit, ata janë marrë personalisht nën mbrojtje nga kryeminstri.

BBC WORLD: Qeveria i mohon akuzat tuaja, por nē njē kēndvēshtrim mē tē gjerē, ju keni qenë vetë në qeveri dhe tani jeni në opozitë. Ju e dini se akuzat për korrupsion bēhen sa nga njēra palē dhe nga pala tjetēr. Akuzat nga opozita, kushdo qoftë ajo, mohohen nga qeveria kushdo qoftë ajo. Kjo është pjesë e politikës në vendin tuaj, apo jo?

LULZIM BASHA: Ky nuk është rasti tani.

BBC WORLD: Pse është ndryshe tani?

LULZIM BASHA: Dy raste të hetimit nga prokurorēt antimafia kanë zbuluar mijëra orë përgjime, që tregojnë se kryeministri dhe zyrtarë të lartë të qeverisë bashkëpunojnë me bosët e krimit të organizuar për vjedhjen e zgjedhjeve të vtiit 2017. Disa nga këto përgjime janë publikuar nga Zëri i Amerikës dhe dy ditë më parë nga gazeta më e madhe gjermane Bild. Nuk ka absolutisht asnjë veprim në lidhje me këto akuza. Asnjë politikan nuk është thirrur për t’u marrë në pyetje dhe politikanët e përfshirë jo vetëm nuk janë ndëshkuar, por janë promovuar dhe janë mbrojtur nga kryeministri.

BBC WORLD: Ta shohim në një panoramë më të gjerë. Këtë qershor Shqipëria pret një përgjigje nga BE, nëse do të nisin negociatat për anëtarësim. Sa dēm mund t’i shkaktojē procesit e gjithē kjo?

LULZIM BASHA: Protestat janë pasojë e krizës së thellë politike në vend. Kēshtu qē, pavarësisht, raporteve të sheqerosura…

BBC WORLD: Çfarë do të thotë të sheqerosura ?

LULZIM BASHA: Shumë larg realitetit.

BBC WORLD: Për çfarë arsye?

LULZIM BASHA: Shqipëria duhet t’i bashkohet Bashkimit Europian, Shqipëria duhet të hapë negociatat e anëtarësimit. Kjo është ajo për të cilën ne po luftojmë, për vlerat europiane, por Shqipëria nuk mund t’i bashkohet BE-së me gënjeshtra, me fabrikime, me zgjedhje të vjedhura, me bashkëpunim me krimin e organizuar, me korrupsionin në nivelet më të larta të këtyre 29 viteve, me pandëshkueshmërinë e njerëzve me pushtet.

BBC WORLD: Pra, çfarë duhet të thotë dhe tē bējē BE në takimin e qershorit sipas jush?

LULZIM BASHA: Mendoj se në kētë pikë gjërat janë shumë të qarta. Bashkimi Europian është ekstremisht i shqetësuar se realiteti në terren është shumë larg nga përshkrimet e burokratëve në Bruksel. Kjo duhet të jetë edhe një këmbanë alarmi për vetē institucionet e Bashkimit Europian, që t’i japin fund gjuhës së drunjtë se “shumë është bërë, por nevojitet dhe shumë për të bërë” dhe të përqendrohen nē problemet e vērteta, me tē cilat pērballen vendi.

BBC WORLD: Por kjo muhd të çonte në një shtyrje të asaj çfarë planifikon BE. A nuk do të sillte shtyrja një dëm të madh për vendin?

LULZIM BASHA: Për fat të keq, shtyrja, pak a shumë është vendosur. Vende anëtare kanë dalë në përfundimin se progresi i Shqipërisë drejt përmbushjes së kushteve për hapjen e negociatave të anëtarësimit është i pamjaftueshëm. Pyetja shtrohet: çfarë vjen pas kësaj? Problemi më i madh është sesi të kapërcehet kjo krizë e thellë, e cila tani po shpërthen me zemërim nëpër rrugë dhe sheshe.



8 Comments

  1. Me vjen per te qeshur kur lexoj kete maskarade.

    “””””Zeri i amerikes ZBULOI SE….. ‘””” .. Zeri i amerikes tha ate qe i serviren disa gazetare investigative shqiptare ( Klodiana lala)
    “””” Gazeta Bild tha se….”””” … GAzeta Bild that ato qe tha ‘gazetari investigativ’ Collaku.
    ‘”” PD ka bërë gjithmonë thirrje për protesta jo të dhunshme. Megjithatë, duhet kuptuar se dhuna e izoluar është shprehje e zemërimit në rritje. “”””… Dhunen e shkakton grupi i zjarrit ( azem hajdari ) i PDs , jo populli i zemeruar.
    ”” asnjë polic i vetëm nuk u lëndua”” … Genjester.
    “”” Për fat të keq, shtyrja, pak a shumë është vendosur. Vende anëtare kanë dalë në përfundimin se progresi i Shqipërisë drejt përmbushjes së kushteve për hapjen e negociatave të anëtarësimit është i pamjaftueshëm.””…
    Kush jane keto vende ?

  2. Bravo Bashe. Mjaft qe ste paskan rrahur aty. Pastaj per pyetjet e veshtira qe te paskan bere aty thuaj qe i ka blere rama……

  3. keni 30 vjet qe nuk po futni shqip. ne europe. per faj berisha, nano ,meta, rama kokmadhi. basha.ju jeni tragjedia e ketij vendi.

  4. ktij loqes i dhan dru ne londer per lenien e mandateve . Biles ja thane troc qe dialog me kushte nuk mund te kete. Pse nuk e permend ky kete ?

  5. Dhe ne themi perse jane kaq injorant dhe te liq zagaret! Shikoni se cfare debili dhe malinji qendron ne krye te tyre qe i ndersen!

  6. Po 15 policet kush I plagosi o lulu te gjithe I kane trute ne koke ti specje omgj I ke ne bythe,o loqe qe nuk u poqe

  7. Ky sla vend te be ,se pa thene qe qeveria e krimit e droges, e te gjitha te keqijave, edhe asnje nuk po ja rase ketij, ky bashke me ate zgjeben kryemadhin qe i paskan parat pafund duke bredhur e duke kerkuar ne cdo vende , duke paguar te gjitha transportet e demostruseve per te ardhur ne tirane, e me gjere, por nje pyete kame une, pse gjithemon keta lapanjoze politikane ngrihen gjithe mone kunder shqiperise ne momentin qe duhen te hapen negociatat, perse? eshte e cuditshme,

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *