Kryetari partisë “Brexit” dhe deputeti britanik, Nigel Farage, është sulmuar me një pije që ka në bazë të përbërjes qumështin (milkshake) në qendër të qytetit të Newcastle-it të Britanisë së Madhe. Në mënyrë të ngjashme, janë përballur me incidente të këtij lloji edhe kandidatët e së djathtës ekstreme gjatë fushatës për zgjedhjet evropiane, që do të mbahen përgjatë intervalit 3-ditor 23-26 maj.
Euroskeptiku Farage u duk të jetë i zemëruar pas incidentit dhe është dëgjuar të ketë thënë “ky është dështim i plotë”, derisa forcat e sigurisë po e largonin nga vendngjarja. “Për fat të keq, disa përkrahës të qëndrimit në BE janë radikalizuar në masën që fushata normale po bëhet e pamundur.”- e komentoi Farage sulmin në një postim në llogarinë e tij personale në “TWitter”.
Sakaq, Policia e Northumbrias ka arrestuar si autor sulmit një 32-vjeçar.