Edhe tani që u bë mama, kush e ka njohur Meghan Markle para se të njihej me princin Harry, ndjen se ka shumë për të treguar.Sipas moderatores televizive britanike Lizzie Cundy, ato u njohën kur ajo dhe Meghan ishin bashkë në një mbrëmje bamirësie në 2013-ën. Megjithatë, Cundy thotë se në 2016-ën, me t’u bërë publike lidhja me princin, Meghan kishte bërë sikur s’e njihte.
“Po bënim bisedë si mes vajzash dhe ajo më pyet: “A njeh ndonjë djalë të famshëm? Jam single dhe më pëlqejnë shumë anglezët.” Unë i thashë: “Do dalim e do gjejmë dik딑, kujton Lizzie Cundy në librin e saj të kujtimeve “Rrëfenja nga tapeti i kuq”.
Cundy, e cila ishte bashkë me Meghan-in në Global Gift Gala në Londër, thotë se i erdhi në mendje futbollisti Ashley Cole, i cili sapo ishte ndarë nga këngëtarja Cheryl. Edhe Meghan s’kishte shumë që ishte ndarë nga bashkëshorti i parë Trevor Engelson.
“Qenka i lezetshëm”, i kishte thënë Meghan për futbollistin, “por a është Don Zhuan?”
“Po, por ti je këtu për qejf.”
Megjithatë, Meghan e kish fituar simpatinë e saj.
“Është shumë e qetë, i pëlqente një pije, i pëlqente qejfi. Mbaj mend se më pyeste shumë për fëmijët e mi. Ishte shumë e interesuar dhe bënte shumë pyetje. Zakonisht, aktoret flasin vetëm për veten e vet. Ajo ishte ndryshe.”
Por fatkeqësisht, miqësia e tyre mori fund sapo u mor vesh lidhja e Meghan Markle- it me Harry-n.
“I shkruaj një mesazh: “Oh Zot i Madh! Dëgjova për Harry-n!” Dhe ajo ma kthen: “Po, e di. Do flasim.”
Sipas Lizzie-t, ajo duhet të ketë marrë ndonjë paralajmërim për të mos komunikuar me gazetarë.
“Literalisht, bëri sikur nuk më njihte”.
Literalisht?! Fjale shqip eshte kjo?