Një aksident ka ndodhur pasditen e sotme tek kthesa e Çezmës së Myftarit, në aksin rrugor Elbasan-Librazhd. Paraprakisht, thuhet se drejtuesi i një furgoni mallrash ka humbur kontrollin e mjetit dhe ka përfunduar në lumë. Përpjekja për shpëtimin e shoferit vështirësohet për shkak të terrenit të vështirë. Shoferi i furgonit ndodhet ende brenda mjetit dhe siç shihet nga fotot banorët e fshatit dhe efektivë të policisë kanë hyrë në lumë për ta shpëtuar. Ende nuk dihet gjendja e tij.
