Policia e Beratit ka arrestuar në flagrancë një 20 vjeçar për veprën penale të vjedhjes në tentativë.
Sipas informacioneve paraprake, bëhet fjalë për shtetasin me iniciale S.K, banues në lagjen “Donika Kastrioti”, i cili u arrestua teksa po përpiqej të grabiste banesën e shtetases S.M., 25 vjeç.
Materialet proceduriale i janë referuar Prokurorisë Pranë Gjykatës së Shkallës së Parë Berat, për ndjekjen e veprimeve të mëtejshme mbi aktin e lartpërmendur penal të parashikuara nga neni 134/1 dhe 22 i Kodit Penal.