Në ditën e lajmërimit zyrtar për ardhjen e Antonio Conte në pankinën e Inter, vjen surprizisht një tjetër ‘lajmërim’ që alarmon tifozët zikaltër: Marcelo Brozovic ka shkruar në profilin e tij në Instagram që “nesër” do të largohet nga Inter.
Asnjë bombë merkato në fakt, mesfushori kroat nuk është pranë lamtumirës nga Milano, ajo e tij ishte vetëm një përgjigje ndaj komentit të një tifozi që e ftonte të largohej nga zikaltrit e që me shumë mundësi e ka bezdisur së tepërmi pas një sezoni të jetuar si protagonist.