Diego Armando Maradona kthehet të flasë për veten jashtë katërkëndëshit të fushës. Kampioni argjentinas është shtruar në një klinikë në Buenos Aires për të kurarar një problem që e shqetson prej kohësh: pagjumësinë. Terapia e re e ka bërë të bjerë në një gjumë të pazakontë për katër ditë e katër netë, por motivi i këtij problemi lidhet me kërkesat ekonomike të të bijave: “Unë isha gati duke vdekur e ato blinin apartamente në Miami…”.
Rikuperimi në këtë rast ishte programuar, asgjë urgjente, por është vetëm i fundit nga problemet që Maradona prej vitesh përballon. Pas gjendjes së vështirë që kaloi gjatë Argjentina-Nigeri në Rusi 2018, artrozën e problem me kërcet, janarin e kaluar el Pibe de Oro u godit nga një hemoragji gastriti për të cilën përfundoi në urgjencë.
Tani problemi është tjetër, sërisht i komplikuar: pagjumësia. Një shqetësim i lindur, sipas asaj që bën të ditur Il Mattino, i pohuar nga vetë Maradona, nga problemet me vazjzat e tij. Cështje ekonomike, me kërkesa të vazhdueshme për shpenzime për ish-kampionin albiceleste nga të bijat. “Herën e fundit që pashë vajzat ka qenë kur më kërkojnë dollarë – i ka thënë mikut e avokatit të tij Matias Morla -. Prej kohësh nuk arrij të fle, nuk po them se vajzat e mia po boshatisin një bankë, por po e bëjnë me jetën time. Unë isha duke vdekur – ka kujtuar Maradona momentin kur përfundoi në koma në Punta del Este – e ato blinin apartamente në Miami”.