Një aksident automobilistik ka ndodhur paraditen e sotme në qytetin e Vlorës. Nga informacionet paraprake të komunikuara nga Policia, mësohet se drejtuesi i automjetit, identiteti i të cilit nuk është bërë ende i ditur, ka humbur kontrollin nga shpejtësia dhe për pasojë është përplasur me barrierat anësore të rrugës.
Makina ka përfunduar përmbys në Unazën e qytetit, ndërkohë që i lënduari me plagë të rënda është dërguar menjëherë drejt Spitalit, ku ndodhet në rrezik për jetën.
Policia ka mbërritur në vendngjarje për të kryer zbardhjen e rrethanave të aksidentit.