Gianluigi Buffon nuk do të tërhiqet. Ka ende dëshirë të luajë, të presë goditje dhe, në fund të raportit të tij me Paris Saint Germain, nuk i ka humbur siguritë e tij. Në ditën e djeshme PSG ka shpërndarë një komunikatë: raporti me Bufonin është mbyllur pas një sezoni. Në fakt, dukej e pashmangshme pas atyre gabimeve vendimtare, mbi të gjitha ajo në Parc de Prince ndaj Manchester United. Atje praktikisht është luajtur mundësia e konfirmimit tek PSG, mundësia për ta provuar edhe një herë tjetër për të fituar me parizienët Champions League.
Suksesi i munguar në një karrierë të jashtëzakonshme të mbushur plot me trofe. “Aventura ime jashtë Italisë përfundon kështu”, ka thënë gjatë ditës së djeshme, në momentin e lamtumirës, duke nënkuptuar kështu kthimin e tij në Itali. E vështirë, thuajse e pamundur, që mund ta bëjë atë në një klub që do të marrë pjesë në Champions Leaguen e ardhshme: mes Juventus, Napolit, Inter dhe Atalanta e vetmja që mund të mendojë të këmbëngulë për Buffon është skuadra bergamaske. Do të jetë e jashtëzakonshme (edhe sepse në Bergamo këmbëngulin fort mbi Gollini), por e vetmja hipotezë për të mos u hedhur poshtë duket pikërisht Atalanta.
Ka edhe të tjera mundësië, këto pa dyshim më konkrete dhe të realizueshme: kthimi romantik në Parma ose kalimi tek Genoa, klubi për të cilin bënte tifozllëk që fëmijë. Shumë zgjidhje që nuk duken se plotësojnë si hyrjen e tij në Itali, ashtu dhe mundësinë për të luajtur në Champions League e ardhshme, për një 41 vjeçar që në këtë pikë duhet të vendosë ëndrrën e tij në sirtar. Përfundimisht.