Policia helene ka arritur të arrestojë shqiptarin e tretë të arratisur nga burgu në Athinë, shkruajnë mediat greke. Bëhet fjalë për një shqiptar 35-vjeçar, identiteti i të cilit nuk bëhet me dije.
Personi i tretë i arrestuar konsiderohet si me rrezikshmëri të lartë. Ai u kap në një rrugë në New Smyrna. Shqiptari u kap disa ditë pas arratisjes. Ai nuk ka bërë rezistencë gjatë ndalimit.
Tashmë, në arrati është edhe një shqiptar i katërt, një 35-vjeçar, i cili dyshohet për grabitje dhe për plagosje. Shqiptarët u arratisën nga një burg në Athinë, të hënën. Policia greke ka thënë se është afër arrestimit edhe të arratisurit të katërt.