Hollanda shkon në finale të Ligës së Kombeve duke përmbysur 3-1 Anglinë, në kohën shtesë, në një ndeshje ku ndodh gjithcka. Shumë gabime difensive, që nga ai i De Ligt, kompletuar më pas nga Maguire e Stones, që bëjnë të kapitullojë Pickord në portë e Southgate në pankinë. Të dielën do të jetë finale me Portugalinë.
E të mendosh që gjërat shkuan mirë fillimit për britanikët. Në ndeshjen gjysëmfinale të Final Four për Ligën e Kombeve, Anglia mori avantazhin përballë Hollandës, me një episod të vetëm. Skuadra e Koeman po dominonte fushën, deri kur Mathijs de Ligt gaboi fatalaisht në zonë në kontrollin e topit, duke favorizuar Rashford, ndaj të cilit shkaktoi penallti. Sulmuesi i United nuk gaboi nga pika e bardhë, duke kaluar kombëtaren e Tre Luanëve në avantazh.
Vetëm se De Ligt korigjoi veten, duke ndihmuar Hollandën të barazojë ndeshjen. Qendërmbrojtësi i Ajax, ai që gaboi në penalltinë e Rashford, shënoi me kokë në minutën e 73, duke befasuar Pickford. Zëvendësimet e Koeman dhënë efektin e pritur nga tekniku, që kërkonte me cdo kusht finalen e të dielës me Portugalinë.
Kishte edhe fatin me vete formacioni portikalli, që kaloi nga ferri në parajsë dhe, pas ndërhyrjes së VAR për të ndaluar Lingard të shënonte golin e dytë për Anglinë, në kohën shtesë përmbysi gjithcka me autogolin e minutës së 97 nga Kyle Walker. Në fakt, gjithcka lindi nga një gabim katastrofik i Maguire, me qendërmbrojtësin që humbi topin në zonë, duke favorizuar aksionin e golit të hollandezëve.
E për ta bërë edhe më të zezë performancën e prapavijës angleze, Stones dhuron topin e 3-1, me një pasim amatoresk, që lejon më pas Promes të vulosë ndeshjen dhe kualifikimin e një Hollande surprizuese, që duhet të bëjë llogaritë me CR7 dhe Portugalinë vendase, pa harruar që Tulipanët kanë 24 orë më pak pushim në këmbë dhe sfidën e tyre e luajtën me 120 minuta.