• |
ide | kryesore

Protesta/ Delegacioni i BE apel palëve politike: Angazhohuni urgjentisht në dialog konstruktiv

Lajme, Të fundit



Delegacioni i Bashkimit Evropian në Shqipëri ka lëshuar një deklaratë në paraprirje të nisjes së protestës së tetë në radhë në rang kombëtar të opozitës së bashkuar joparlamentare, duke apeluar për zhvillimin e një proteste paqësore. Sikurse u shpreh më herët edhe zv.Ndihmës-Sekretari amerikan i Shtetit, Matthew Palmer, në deklaratën e delegacionit të BE-së theksohet gjithashtu se asnjë formë e nxitjes së dhunës nuk është e tolerueshme dhe se përgjegjësia bie mbi drejtuesit e protestës.

Megjithatë, nga ana tjetër, ambasada e BE-së në Tiranë u bën thirrje edhe autoriteteve të zbatimit të ligjit për të vepruar me përgjegjësi dhe vetëpërmbajtje, edhe në rastet e provokimit.

Delegacioni shpreh respektin për të drejtën e çdo qytetari për të protestuar, por pa shkaktuar dhunë dhe pa dëmtuar institucionet. Në deklaratë u bëhet thirrje palëve që të ulen urgjentisht në dialog konstruktiv për të kapërcyer situatën aktuale politike.

Deklarata e plotë:

Ndërkohë që respektojmë plotësisht të drejtën themelore të qytetarëve shqiptarë për të demonstruar, ritheksojmë rëndësinë e ushtrimit të kësaj të drejte në mënyrë të rregullt dhe paqësore.

Ne dënojmë të gjitha aktet e dhunshme që kanë ndodhur në protestat e mëparshme. Asnjë formë e nxitjes së dhunës nuk është e tolerueshme. Përdorimi i eksplozivëve ose i ndonjë sendi tjetër të projektuar për të shkaktuar lëndime është krejtësisht i papranueshëm.

Është përgjegjësi e drejtuesve të protestës të sigurojnë që demonstrimet të mbahen në mënyrë të sigurt si për pjesëmarrësit ashtu dhe për banorët e tjerë Tiranës, si dhe për të shmangur çdo përshkallëzim gjatë protestave. Autoritetet e zbatimit të ligjit gjithashtu kanë përgjegjësi për të vepruar me përmbajtje, edhe nëse provokohen.

Ne vazhdojmë t’i bëjmë thirrje të gjitha palëve të angazhohen urgjentisht në një dialog konstruktiv për të kapërcyer situatën aktuale politike.

 



7 Comments

  1. faleminderit per kujdesin qe keni ndaj protestave zoti soreka

    jeni super te edukuar si burokrate pa pike vlere 🙂

    kjo ju dallon nga te gjithe te tjeret, edukata 🙂 ska rendesie vjedhja vrasja krimi droga por edukata ne protesta

  2. Do ju them nje tforte qe te dhiteni me te qeshur. Para ca kohesh ka qene nje protest kunder rams e cili nuk votonte tre ligje. Nje miku im qe i ndjek keto mitingjet e pd niset por para se te shkoj e pyes per kuriozitet, O bashkim ca thone ato mut ligjesh dhe ca pune na prish i votoi nuk i votoi ky. Ne ate kohe bashkkmi bente leke mire nga ca gjera ashtu dpdhe pergjigja e tij ishte;’ese do dija psek

  3. Keta nuk durohen me. A do kete ndonje bir nene ti qerroj keta qe ketej. Vine majmen shqyejne cfare te mundin dhe ikin. Turp per ne turp.

  4. O langaraqe indiferentizmi i juaj se cfare po ndodhte e shkaterroi kete vend.
    RROFTE SHQIPERIA
    POSHTE MORRAT E KUQ SORROISTE.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *